inu:it-ip maanna qarasaasialerineq pingaarnertut aallutariniarpaa AV-mullu tunngasut kiisalu Kopi & Print-nik nioqquteqarnerit maanna tunilerlugit.

inu:it ukiuni kingullerni kiffartuussinermi nioqqutinik annertusaasimavoq, taakkunanilu AV-mut atortut aammalu Kopi & Print ilaasimallutik.

Maanna qarasaasialerinermi-suliffeqarfiup –Thisted Danmarkimi aamma Nuummi Kalaallit Nunaanni immikkoortortaqarfeqartup –neqeroorutit taakku tunilerpai pingaarnertullu nioqqutigisaminut uteqqinnialerluni.

Maanna ukiorpassuarni sulisimasut Ricco Risager Nielsen aamma Klaus Karlshøj Poulsen tassunga atatillugu inu:it-mi suliunnaarput tamarmillu suliffeqarfinnik nutaanik pilersitsilerlutik, Ricco AV Center Grønlandimik pilersitsilluni Klausilu Arctic Printimik pilersitsilluni. Allannguutit tamarmik 1. April 2022 aallarnerfigalugu atuutilersinneqassapput.

Siunissami sullitarisanik inu:it ikiuutaaqataasinnaanissaanut suliffeqarfiit akornanni isumaqatigiissusiortoqarsimavoq.

Pingaarnertut piginnaasaqarfigisat aallunneqarnerulernerat: Qarasaasialerinermi-attaveqaasersuutit

inu:it-p pingaarnertut piginnaasaqarfittut qarasaasialerinermi-attaveqaasersuutit ingerlattuarsimavai. Taakkunani attavilersuutit, server/storage, backup, sillimaniarneq, siunnersuineq, ilusilersuineq kiisalu piviusunngorsaanerit pineqarput, ilaatigut qarasaasialerinermi-aaqqiissutit ajornanngissinnaallutik ilaatigullu ajornartuusinnaallutik.

inu:it-p toqqammavittut suleriusaa isumaliutaalu tassaapput sullitat  tamarmik immikkut pisariaqartitaat unamminartitaallu aallaavigalugit naleqartitanik pilersitsinissaq anguniarlugu suliassanik aaqqiissuteqartarneq. Tamanna paasiuminaatsut ajornarsinnaasullu ajornaallisarnerisigut paasiuminarsarnerisigullu pilersinneqartarput, siunissamilu tamanna aamma aallutarisassaraarput.

Inussiarnersumik Inuulluaqqusilluta

Anders Hoffgaard

Pisortaaneq, inu:it A/S

Ricco Risager Nielsen

Pisortaaneq, AV-Center Grønland ApS

Klaus Karlshøj Poulsen

Pisortaaneq, Arctic Print ApS