oqaatsit sorliit atorusunnerlugit toqqaagit:
aaqqiissutit

ineriartortitsineq

… annertunerusumik
paasisaqarusuppit?
  grønland T: +299 36 55 02 salg@inuit.gl

aaqqiissutissat nassaarissavarput

Sullitat immikkuullarissut immikkuullarissunik aaqqiissutinik tunineqassallutik pisariaqartitsisarput. Sullitalli ilaasa pisariaqartitaat allanit immikkuullarinnerusarput. Taamaattumik ineriartortitsinermi suliassat inu:it-imi ulluinnarsiutitta ilagaat.

Nammineerluta ineriartortitsivimmik immikkoortortaqarfeqarpugut, ukiut 20-t sinnerlugit suliassat assigiinngitsorpassuit ilutigalugit ilusilersuinermik ineriartortitsinermillu aaqqiissutinik misilittagaqarfiusumik. Suliassanik pisortat ataanni suliffeqarfinnut, ilinniagaqarfinnut aammalu privatimik inuussutissarsiorfinnut suliaqartarsimavugut, sullissinerlu siunnersorfiuvoq, ilusilersuinertalik aammalu ineriartortitsinertalik suliassani annerusuni minnerusuniluunniit tunniuttarsimallutigu.

assigiinngitsutigut ilanngussuisinnaaneq

Suliffeqarfiit arlaatigut aaqqiissummik assigiinngitsut qiterliuffigisinnaasaannik amigaateqarpa, imaluunniit suliassamut immikkuullareqqinnaamut systemimik amigaateqarpa, taava qanoq unnammillernartitatit aaqqinnissaannut ikiorsinnaanerlutit eqqartueqatigisigut. Ilaatigut Kalaallit Nunaanni ilinniartitaanermut naalakkersuisoqarfimmut Karakterdatabasemik kiisalu TrinTest systemimik ineriartortitsisimavugut, taakkualu suleqatigalugit meeqqat atuarfiini ajornartorsiutit inernerillu nalilersornerinut grafit statistikillu aaqqiissutissatut suliarisimallutigit, soorlu Kalaallit Nunaanni ilisimatusarfimmi matrikelsystem ineriartortissimagipput pisortat ataanni systemit assigiinngitsut ataatsimoorfigisinnaasaattut.

nittartakkanni toqqortaatit

Nittartakkatigut immikkoortortaqarfipput eqqarsaatigalugu nittartakkavit annertusarnissaanut immikkuullarissunik ineriartortitsisinnaanissatsinnut periarfissaqarpugut. Assersuutigalugu paasissutissaateqaruit nittartakkat aqqutigalugu saqqummiukkusutannik pinerit amerlanersaatigut paasissutissaativit aammalu nittartakkavit akornanni ikaartarfimmik ineriartortitsisinnaasarpugut.

inernerit sivisuumik piusinnaasut

Ukiut ingerlanerini inu:it-imi sullitat hundredujulikkaat sullittarsimavagut - Ukiup naaneranut naatsorsuussat pillugit aporfinnik suliaqarneruppat, aningaasarnermut atatillugu systemiuppat, isertitat pillugit aaqqiissutaappat, Kalaallit Nunaanni akissarsiat imaluunniit aaqqiissutissanut systemit immikkut ittumik ineriartortinneqarsimasuuppata taava sullitatta unamminartitaat aaqqissallugit piginnaasat eqqortut pigivagut. Kalaallit Nunaanni atugassarititaasut soorlu eqqarsaatigalugu Kalaallit Nunaanni akileraartarnermut tunngasut aammalu akissarsiaqarnerit pillugit tamatta ilisimalluarlutigillugu sungiusimagatsigit iluaqutissarujussuusarpoq.

Tamanna ilutigalugu pikkorissarnerit ataavartumik ingerlattarpagut aammalu najugarisami ikiuinerit ingerlattarlutigit.

… annertunerusumik
paasisaqarusuppit?
  grønland T: +299 36 55 02 salg@inuit.gl

Uani nittartakkami cookies atorneqarput
Nittartakkatsinni aalajangikkatit toqqorsinnaanissaanut, statiskikkiliornissamut ataasiakkaanullu tulluarsaanissamut cookies atorneqartarput toqqornissaanut. Matumani paasissutissat suleqatigisatut pingajorisamit aamma pineqartarput. Nittartakkap atuinnarneratigut cookies atorneqarnerat pisinnaatitsissutigissavat Uani paasisaqarnerugit

Ok