sillimaniarneq

Qarasaasialerinermi sillimaniarneq massakkut atorneqarnerpaat ilagivaat, tamannalumi aamma asuliinnaanngilaq. Sillimaniarnermut siorasaarutit nutaat imaaginnavipput aammalu qarasaasialerinermi aaqqissuussinernut ineriartortitsineq sukkaqisoq ataavartumik unammillernartunik pinngorartitsiinnavilluni.

Nittartakkatigut saassussinerit ajornartorsiutaanerat suli annertusigaluttuinnarpoq, siorasaarutitut suussutaasut imaaginnavittumik allanngorarlutik. Firewall aamma antivirus-inut programit ataavartumik siorasaarutit tamaasa tigusinnaanissaannut piareersarneqartuartarput, taamaakkaluartorli nutaat takkussuuttuartarlutik – Aammattaaq atuisut iliuusaasa aqunnissaat ajornakusoortorujussuusinnaasarlutik. Toorsineq ataaseq kakkiussamiittoq toornerinnaasigut hackerisut peqqarniitsut suliffeqarfiup paasissutissaataannut isertaatilerneqarsinnaapput. Amerlanertigut suliffeqarfiit mikinerit anginerillu saassussinernik soorlu CryptoLocker eqqugaasarput.

Ataavartumik opdaterikkamik firewalleqarnissaq aammalu antivirus softwareqarnissaq pisariaqarpoq, taamaakkaluartorli 100 %-imik qulakkeersimaneq periarfissaanngimmat ajutumeertoqariasaassagaluarpat upalungaarsimanissamut piareersimanissaq aammattaaq pingaaruteqarluinnarpoq. Backupip ingerlaartuartarnissaa qulakkeeqqava aammalu remote backupeqarpa, systemit ikkuteqqinneqarsinnaappat ajoqusersimasullu sukkasuumik eqaatsumillu illersorneqarlutillu killilersorneqarsinnaappat.

Kalaallit Nunaanni Danmarkimilu suliffeqarfippassuarnut qarasaasialerinermi suleqatigisatut inu:it-imi opdaterersimajuartarpugut. Sullitagut amerlasuut sillimaniarnerisigut ikiortarpagut, politikkiisigut, maleruagassaasigut aammalu ajutoortoqareersimatillugu piaartumik ikiuutipallattarluta.

sillimaniarnermut piareersimavit?

Sillimaniarnermut misissuinissamut imaluunniit siorasaarutit periarfissallu pillugit oqaloqateqarusuppisi, taava attavigisigut sukkasuumillu ingerlariaqqinnissassinnik kiussavassi.