IP telefoni qarasaasiami oqarasuaatiniluunniit angallattakkani applikationitut pigineqakkajuttarpoq. Taamaammat oqarasuaateqarnivit akisussaaffigineqarnissaa uagutsinnut pissusissamisoorpoq, tamatuma peqatigisaanik illit IT-vit ingerlanneqarnera isumagissavarput. Soormi illit qarasaasiannut oqarasuaateqarninnulluunniit tunngasumik ajornartorsiuteqaruit kiffartuussisumut ataatsimut sianeruit – ilinnut sullinneqartumut ajornanngitsuussaaq.
Oqarasuaateqarnermut aningaasartuutit siumut oqaatigiuminaassinnaapput. Qaammatit tamaasa aalajangersimasumik akiliisarnissat inu:it-mit aamma kiffartuussisumit ataatsimit isumagisinnaavarput. Pisariusariaqanngilaq!
Atuisumut aki aalajangersimasoq akilertassavat – sinneri ilaareerput. Tamanna toqqissisimanermik taasinnaavarput.
Angerlarsimaguit angalaguilluunniit oqarasuaateqarsinnaavutit. Onlinekkut ataatsimiikkuit oqarasuaatillu attavigineqarsinnaanngikkallarninnik nalunaaruteqarsinnaavoq. Immaqa onlinemi ataatsimiinninni inuup oqarasuaataanut angallattakkamut sianersinnaarusupputit. Inu:one atorlugu taamaaliorsinnaavutit.
Suliffeqarfinniit namminersortuaqqaniit ataatsimik atuisulinniit suliffeqarfissuarnut tuusintilinnut sulisulinnut sullissisinnaavugut.