Sooruna patchning pisariaqartoq?
Atortutit taamaallaat ukiup affaata missaani pisoqaassuseqaraluartut akuttunngitsumik patchningip ingerlattarnissaa suli pisariaqarpoq. Ingerlatsinermi isumannaallisaaneq qulakkeerumallugu patchning minnerpaamik qaammammut ataasiarluni ingerlanneqartariaqarpoq. IT-kkut saassunneqarnissamut illersorumalluni akulikinnerusumik patchningip ingerlanneqartarnissaa pisariaqarsinnaavoq. Atortut pisoqaassusiat patchningip ingerlanneqartarnissaanut apeqqutaanngillat, nunarsuatsinnili ineriartorneq ingerlaavartuartoq eqqarsaatigalugu patchning pisariaqarpoq. Ikkussukkat patchningerneqarsimanngitsut ingerlatsinermi akornutaasinnaaapput, paasissutissat iserfigineqarsinnaapput ajornerpaamillu pisoqarpat suliffeqarfiup piunera aarlerinartorsiortinneqarsinnaavoq.
Suut patcherneqassappat?
Suulluunniit patcherneqartariaqartut patcherneqartariaqarput. Attaveqaatini atortuni soorlu firewallsit, switchit aamma accesspointit ilaapput, taakkulu firmwarenit nutaanerpaanit isumannaallisaanikkullu pitsanngorsaanikkut nutarterneqassapput. Serverit, qarasaasiat allallu atortorissaarutit angallanneqarsinnaasut styresystemeqarput, taakkulu akuttunngitsumik patcherneqartariaqarput. Tamatuma saniatigut programmit appillu pitsaanerpaamik atorneqarsinnaanissaat isumannaatsuunissaallu qulakkeerniarlugit patcherneqassapput.
inu:it patchningimik ikiuussinnaavoq
Hardwaret, styresystemit applikationillu patcherneqarnissaannut tunngatillugu inu:it neqerooruteqarpoq. Suliffeqarfinni patchningip aaqqissuunnissaanut ikiorneqarumallutit attavigitigut. Biilivit servicerneqartarnerattut illit kaffisorusaarninni uagut ”service” ingerlassinnaavarput. Suliffeqarfivit ajornartorsiuteqanngitsumik ingerlanissaa isumagissavarput!