oqaatsit sorliit atorusunnerlugit toqqaagit:
inu:it pillugu

suliffiup avataani inuunermut- aammalu cookiesinut politiki

inu:it a/s-mi paasissutissat ilinnut tunngasut pillugit toqqortaatiginninnermut akisussaasuuvugut, inatsisillu naapertorlugit suliarineqarnissaat qulakkeertarparput. Paasissutissat illersornissaat pimoorulluinnartarparput, taamaattumillu una suliffiup avataani inuunermut politikkerititaq atuutsilersissimallutigu, taassuma nassuiaassinnaammatit qanoq paasissutissat ilinnut tunngasut suliarisarnerigut.

Illit pillutit paasissutissat pillugit attaveqarfiginissarput kissaatigigukku taava ugguuna taamaaliorsinnaavutit:

  • inu:it, CVR nr. 35193219 / Tilstedvej 73, 7700 Thisted / bogholderi@inuit.dk / +45 96 34 55 00 imaluunniit
  • inu:it, GER og CVR nr. 12154429 / Issortarfimmut 6, 3900 Nuuk / bogholderi@inuit.gl / +299 36 55 00.


suliffiup avataani inuunermut paasissutissat suliarineri

Inummut paasissutissat assigiinngitsorpassuusinnaapput, tassaallutillu suulluunniit paasissutissat ilinnut attuumassuteqarsinnaasut. Kissaatiginngikkukku paasissutissat taakku suliarissagigut isumaqatigiissutit siunniutaasimasut attatiinnarnissaat aammalu naaperiuteqarfiginissaat ajornakusoorsinnaavoq.


sullitat

Uagutsinnut sullitaaniaraanni pisariaqarpoq illit pillutit paasissutissat ataani taakkartorneqartut tigoorarsinnaasariaqarigut:

  • Ateq, najugaq, oqarasuaatip normua, e-mail, CVR-nr., web-adresse, attavigisinnaasaq

Sullitat pillugit paasissutissat ataani allattorsimasunut siunertaralugit tigoorarneqartarput:

  • Pisiavit suliarinissaanut aammalu sullissinitta tunniunnissaanut
  • Uagutsinnut attuumassuteqarnerpit allaffissornikkut suliarinissaanut

Taakku paasissutissat ataani allassimasut malillugit inatsisitigut toqqammavittut katersorneqartarput:

  • Akuersissutitut isumaqatigiissut, isumaqatigiissutip eqqortumik ingerlanneqarnissaanut imaluunniit inatsisitigut pisussaatitaanermut

Paasissutissat inatsisit naapertorlugit piffissaliussaq aalajangersimasoq malillugu toqqortarineqartarput, tassanngaanniillu pisariaarukkaangata peertarlutigit. Piffissaliussaq paasissutissap suussusaa kiisalu toqqortarinninnermut tunuliaqutaasoq apeqqutaalluni nalilerneqartarpoq. Naliginnaasumik sullitat pillugit paasissutissat peerneqartarput.

  • Sullitat pillugit paasissutissat sullitatut attaveqatigiinnerup uninneraniit ukiut tallimat qaangiusimaleraangata peerneqartarput.


niuerfiit suleqatigiiffiillu

Uagutsinnut niuerfiussaguit suleqatigissagutsigillu paasissutissat ilinnut tunngasut ataani taakkartorneqartut katersornissaat pisariaqarpoq:

  • Ateq, najugaq, oqarasuaatip normua, e-mail, CVR-normu., kontop normua

Niuerfinnut suleqatigisanullu atatillugu inummut paasissutissat ataani taakkartorneqartunut siunertaallutik katersorneqartarput:

  • Pisiatta/suliatta suliarineqarnerannut
  • Uagutsinnut attaveqaqatigiinnerpit allaffissornikkut suliarinissaanut

Taakku paasissutissat inatsisitigut toqqammaviit ataani taakkartorneqartut tunuliaqutaralugit katersorneqartarput:

  • Akuersissutitut isumaqatigiissut imaluunniit isumaqatigiissummik eqquutsitsiniarnermut

Paasissutissat inatsisit naapertorlugit piffissaliussaq aalajangersimasoq malillugu toqqortarineqartarput, tassanngaanniillu pisariaarukkaangata peertarlutigit. Piffissaliussaq paasissutissap suussusaa kiisalu toqqortarinninnermut tunuliaqutaasoq apeqqutaalluni nalilerneqartarpoq. Naliginnaasumik niuerfiit imaluunniit suleqatigisiat pillugit paasissutissat peerneqartarput.

  • Niuerfiit suleqatigisalluunniit pillugit paasissutissat attaveqatigiinnerup unissimalerneranit ukiut tallimat qaangiukkaangata peerneqartarput.


cookies aammalu nittartakkanik atuineq

Nittartagarput atoraangakku paasissutissat assigiinngitsorpassuit tigoorarlugillu suliarisarpagut. Tamanna pisarpoq naluginnaasumik imarisaata iserfigineratigut.

Naliginnaasumik ataani allassimasut paasissutissat tigoorakkajuttarpagut suliaralugillu:

  • Kinaassutsimut uppernarsaat immikkuullarissoq aammalu qarasaasiat pillugu paasissutissat, tablet imaluunniit oqarasuaat angallattagaq, IP-normut, nunarsuarmi sumiiffik, kiisalu quppernerit sorliit iserfigineritit (soqutigisatit).

Paasissutissat nittartakkatigut katersorneqartut siunertaasunut ataani taakkartorneqartunut atorneqartarput:

  • Nittartakkap imarisaata ajornaallisarneqarneranut aammalu ingerlanneqarneranut
  • Atuisutut ilisarilersinnaalernissannut, kiffartuussinerit eqqortut ujartorsimasatit ilinnut tunniussinnaajumallugit, soorlu nutaarsiassanut allagaqaammik nassiussineq

Taakku paasissutissat akuersissummik tunniussisimatillutit katersorneqartarput, tamannalu namminerluinnaq kajumissutsinnik pissaaq. Qaqugukkulluunniit akuersissut uagutsinnut attaveqarnikkut taamaatissinnaavat. Attavissat qulaani taaneqartut atukkit, paasissutissanik annertunerusunik pisariaqartitsiguit, imaluunniit ataani immikkoortoq ”cookiesinik atuineq” atuaruk.

 

atorfinnut qinnuteqartut

Qinnuteqaammik ilanngussartalimmik tigusisimatilluta nassiunneqarsimasut atuagassartai Sulisoqarnermik Immikkoortortaqarfitsinnit aqutsisuusussamiillu atuarneqartarput, tassani siunertarineqarluni akissuteqaateqarnissat kiisalu atorfimmut qinnuteqarfiusumut tulluunneq aallaavigalugu nalilersuineq. Inatsisitigut pisinnaatitaaffipput toqqammavigalugu qinnuteqaatippit suliarineri assigiinngitsutigut nalilersuinikkut ingerlanneqartarput.

Atorrfinitsitsiniarnermi attuumassutilinnut qinnuteqaatit ilanngussartalik suliffeqarfiup iluani siaruarterneqartarpoq, suliffeqarfiullu avataaniittunut allanut ingerlateqqinneqarneq ajorluni.

Qinnuteqaat ilanngussartalik atorfimmut eqqortuusup nassaarinissaata aammalu inuttassarsiuinerullu naanissaata tungaanut toqqorneqartarpoq. Tassanngaanniik qinnuteqaat ilanngussartalik peerneqartarpoq.

Kajumisaarneqarani qinnuteqaateqarnermi qinnuteqaatip ilanngussartallip tiguneraniit nalilersuisarpugut. Qinnuteqaat atorfissaqartutut isiginngikkutsigu itigartitsissummik nassiussisarpugut tassanngaanniillu qinnuteqaat ilanngussartalik ingerlaannaq peertarlutigu. Qinnuteqaat atorfissaqartutut isigigutsigu, qinnuteqaatip ilanngussartallip toqqornissaanut akuersissummik qinnuteqartumit piniartarpugut, taamaasilluni annerpaamik qaammatini arfinilinni toqqorsimasinnaatitaallutigu taassumalu kingorna qinnuteqaat ilanngussartalik peertarlutigu.

Qinnuteqaat qaammatinit arfinilinnit sivisunerusumik toqqorneqarpat qinnuteqartumit immikkut ittumik akuersissummik piniartarpugut.

Akuersissutitut isumaqatigiissut illit nammineq kajumissutsit atorlugu naliliiffigisassaavoq, aammalu qaqugukkuulluunniit uagutsinnut saaffiginninnikkut taamaatiinnarsinnaallugu. Annertunerusumik paasisaqarnerorusukkuit attavissat qulaani allaqqasut atukkit.


suliarinninnermut paasissutissat allat

sillimaniarneq

Paasissutissat ilinnut tunngasut arlaatigut piaarinaatsoornikkut imaluunniit unioqqutitsisumik peerneqassagaluarpata, saqqummiunneqassagaluarpata, tammassagaluarpata, ajortisarneqassagaluarpata, imaluunniit allamut attuumassuteqanngitsumut ingerlateqqittoorneqassagaluarpata, atornerlunneqassagaluarpata imaluunniit inatsisit unioqqutillugit suliarineqassagaluarpata tulluuttunik piareersimanissamut teknikkikkut aammalu suliffeqarfiup aaqqissuussaanerani aalajangersaanikuuvugut.


dataminimering

Siunertaq aalajangiusimasarput taamaallaat tunaartaralugu paasissutissat pisariaqartissinnaasagut katersortarpagut, suliarisarpagut toqqortaatigisarlugillu. Taassuma saniatigut suliffeqarfimmik ingerlatsinermut atatillugu inatsisaasinnaavoq paasissutissat aalajangersimasut katersornissaat toqqortaatiginissaallu pisariaqartoq. Paasissutissat inummut tunngasut suliarisartakkatta suussusaat annertussusaallu apeqqutaallutik aammattaaq isumaqatigiissutit naapertuutsinnissaanut imaluunniit allatigut inatsisitigut pisussaatitaanermut pisariaqartinneqarnerat aalajangiisooratarsinnaavoq.


paasissutissat ataavartumik nutarterneqartut

Kiffartuussinitsinni paasissutissat eqqortuunissaat aammalu nutartigaasimanissaat pisariaqarmat, paasissutissaatinni attuumassutilinnik allannguuteqarsimasoqartillugu nalunaarutiginissaannik qinnuigaatsigit. Allannguutivit nalunaarutiginissaanut attavissat qulaani allassimasut atorsinnaavatit, taamaatilluta paasissutissat ilinnut tunngasut nutarternissaat isumagissavarput. Nammineerluta paasissutissat eqqortuunnginneri paasigutsigu nammineq taakku nutartersinnaavakkut, tamannalu pillugu nalunaarfigalutit.


paasissutissanik ingerlatitseqqiineq

Paasissutissat suliarinerinut aammalu toqqortaatiginerinut suleqatigisat arlallit pingajorisatut atortarpagut, ilaatigut qarasaasianut aaqqiissutissanik niuerfiit aammalu hosting suliffeqarfiusut. Taakkua sinnerluta taamaallaat paasissutissat suliarisarpat namminnerlu siunertarisaminnut atoqqusaanagit. Arlaatigut pisariaqartillugu aningaaserivinnut, akiliisitsiniartartunut aammalu suliffeqarfinnut nassiussaleriviusunut paasissutissat ingerlateqqinneqartarput.

Paasissutissanik suliaqartartut EU-p iluaniittut imaluunniit nunat allat isumannaatsut pingajorisatut taamaallaat atortarpagut, kiisalu suliffeqarfiit allat nunani paasissutissavit naapertuuttumik illersorluarneqarnissaannik qulakkeersimasut taamaallaat atortarlutigit. Nunani EU-p avataani paasissutissanik suliartunut Google atorneqartarpoq (paasissutissat cookies atorlugit katersorneqarnikut) aammalu Facebook (paasissutissat facebookikkut quppernitsinnit katersorneqarnikut) US Privacy Shield-imut ilaasortaasutut.

Paasissutissat nittartakkap atorneqaranut tunngasut, ussassaarutit sorliit pisarneritit aammalu assersuutigalugu iserfigisarneritit, sumiiffiit, suiaassutsit aammalu utoqqaassutsit il.il. suleqatigisatut pingajorisamut ingerlateqqinneqarneq ajorput.


cookies-inik atuineq

Nittartagarput iserfigigaangakku paasissutissat ilinnut tunngasut katersorneqartarput, taakkulu imarisatta naleqqussarneqarneranut pitsanngorsarneqarneranullu atorneqartarlutik. Paasissutissat katersorneqannginnissaat kissaatigigigukku cookie-iutitit peertariaqassavatit nittartakkallu atoqqinnissaa pinaveersaartillugu. Ataani taakkartorneqartutut paasissutissat sorliit tigoorarneqartarneri sukumiinerusumik nassuiaatersuuteqarfigaagut, taakkua siunertaat, aammalu pingajorisatut suleqatigisat iserfiginnissinnaasut.

Cookies computerinni toqqorneqartarput, oqarasuaat angallattakkanni imaluunniit assigisaanni, matumani ilisarineqarsinnaanissaat siunertarineqarluni, aaqqissuussat eqqaamanissaat, statistikiliornermi aammalu tulluuttunik ussassaarutiliornerni. Cookies kodenik aarlerinarsinnaasunik soorlu virus-inik imaqarneq ajorput.

Cookies peerukkit imaluunniit parnaarukkukkit nittartakkat iluamik ingerlanngeratarsinnaavoq kiisalu imarisat ilai iserfigisinnaajunnaarsinnaallugit.

cookie sunaava?

Cookies tassaavoq tekstfil mikisoq, qarasaasiannut toqqortagarput isersimanerpit iluani susoqarnera malinnaaviginiarlugu aammalu qarasaasiat ilisarisinnaajumallugu. Cookie taamaallaat oqaaseqaatinik imaqarpoq, programiunngilat virus-imillu imaqarani.

cookies imatut itigartissutigisinnaavatit imaluunniit sletterlugit

Qaqugukkulluunniit cookies qarasaasianni pinngitsoortinniarsinnaavatit Internet-browserinni aalajangersakkat allanngortinnerisigut. Aalajangersakkat sumi nassaarisinnaaneritit browser sorleq atornerit apeqqutaavoq. Taamaakkaluartorli eqqumaffigissavat atuuffiit kiffartuussinerillu arlallit atorsinnaassanngimmata, taakkua atuuffiit kiffartuussinerillu nittartakkap toqqakkavit sorliunerisa eqqaamanissaannik isumaginnittuummata.

Cookies siornatigut akuereriikkatit kingusinnerusukkut ajornanngitsumik peerneqarsinnaapput. Qarasaasiamik nutaaliaanerusumik Internet-browserilimmik atuiguit uku toorlugit cookies peersinnaavatit:

CTRL + SHIFT + Delete. Toortarlugit iserfigisinnaasat ajorpata, imaluunniit/aamma MAC atorukku aallaqqaasiullugu browser sorleq atornerlugu paasiniassavat, taassumalu kingorna ataani allassimasut iserfigalugit:

Microsoft Internet Explorer
Google Chrome
Safari
Firefox

Eqqaamajuk: Internet-browser arlallit atorukkit tamaasa iserfigalugit cookie piissavatit.

cookies Suleqatitut pingajorisamit

Nittartagaq pingajorisatut suleqatigisamit cookiesinik imaqanngilaq.


pisinnaatitaaffitit

  • Qaqugukkulluunniit pisinnaatitaavutit paasitinneqassallutit suut illit pillutit paasissutissat suliarisarnerigut, suminngaanneernersut, aammalu sumut atortarnerigut. Aammattaaq paasissutissinneqarsinnaavutit qanoq sivisutigisumik paasissutissat ilinnut tunngasut toqqortaatiginerigut, aammalu kina paasissutissanik ilinnut tunngasunik tigusisarnersoq, paasissutissanik Danmarkimut nunanulluunniit allanut ingerlatitseqqiissagaluarutta.
  • Qinnutigigukku paasissutissat ilinnut tunngasut suliarisarnerlutigit ilisimatissinnaavatsigit. Iserniarnerli killeqarsinnaavoq, inuit allat suliffiup avataatigut inuunerannik illersuiniarneq, suliffeqarfimmut tunngasut isertugaatit aammalu atortuunngikkaluanut pisinnaatitaaffiit peqqutigalugit.
  • Isumaqaruit paasissutissat ilinnut tunngasut eqqortuunngitsut aaqqitsinnissaannut pisinnaatitaavutit. Uagutsinnut saaffiginnillutit sorlermi eqqortuunnginnera aammalu qanoq aaqqinneqarsinnaanerat ilisimatitsissutigissavat.
  • Piffiit ilaatigut paasissutissaativit peernissaannut pisussaaffeqaratarsinnaavugut. Soorlu akuersissutippit taamaatiinnarneratigut. Isumaqaruit paasissutissaatitit katersornerani siunertarisatsinnut attuumassuteqarunnaareersut peerneqarnissaannik piumaffigisinnaavatsigut. Aammattaaq attavigisinnaavatsigut, isumaqaruit paasissutissat ilinnut tunngasut inatsisitigut imaluunniit allatigut inatsisitigut pisussaatitaaffiit unioqqutillugit suliarineqartut.
  • Uunga maalaaruteqarnissat periarfissarivat Datatilsynet.
  • Inuttut paasissutissat peerneqarnissaat imaluunniit aaqqinneqarnissaat qinnutigalugu saaffiginnikkuit piumasaqaatit naapertuunnersut misissortarpagut, tassanngaanniillu peerneqarnissaat aaqqinneqarnissaalluunniit sukkanerpaamik isumagisarlutigu.
  • Inuttut paasissutissavit suliarineri pillugit unnerluuteqarnissannut pisinnaatitaavutit. Aammattaaq ussassaarinermi anguniakkamut atatillugu paasissutissat ingerlateqqinneri pillugit unnerluutiginnissinnaatitaavutit. Qullerpaami attavissat unnerluussinermut atorsinnaavatit. Unnerluussinerit naapertuuppat, paasissutissavit suliarineqartarnerisa unitsinneqarnissaat isumagissavarput.
  • Paasissutissavatit nuutsinneqarnissaannik qinnuteqarnissannut pisinnaatitaavutit, arlaatigut paasissutissat allamut paasissutissanik suliarinnittartumut imaluunniit akisussaasumut nuutsikkusussagaluartukkit.
  • Nammineerluta ingerlatsinermi paasissutissat ilinnut katersornerani siunertatsinnut atorfissaqarunnaaraangata peertarpagut.

Saaffiginnissagaluaruit qinnuteqarlutit paasissutissat ilinnut tunngasut peeqqullugit imaluunniit aaqqeqqullugu, piumasaqaatit naapertuunnersut misissussavagut, tassanngaanniillu eqquutsinneqarpata peerneqarnissaat aaqqinneqarnissaalluunniit sukkanerpaamik isumagissallutigu.

Pisinnaatitaaffitit uagutsinnut saaffiginninnikkut atorsinnaavatit. Qullerpaami attavissat nanisinnaavatit.

Uani nittartakkami cookies atorneqarput
Nittartakkatsinni aalajangikkatit toqqorsinnaanissaanut, statiskikkiliornissamut ataasiakkaanullu tulluarsaanissamut cookies atorneqartarput toqqornissaanut. Matumani paasissutissat suleqatigisatut pingajorisamit aamma pineqartarput. Nittartakkap atuinnarneratigut cookies atorneqarnerat pisinnaatitsissutigissavat Uani paasisaqarnerugit

Ok