ISAE sunaana?
ISAE tassaavoq International Standard on Assurance Engagements taakkulu nunani tamalaani malittarisassat assigiinngitsut kukkunersiuisut suliamullu ilisimasallit isumannaatsuunermik nalunaaruteqarnerminni atortarpaat.
Nunani susassaqarfinnilu assigiinngitsuni nalunaaruteqarnermut suliassat pitsaasuunissaasa aalajangersimasuunissaasalu qulakkeernissaat ISAE-mi malittarisassani siunertaavoq.
ISAE 3402 Type 2
Hostingimi sullissinivut qulakkeerniarlugit pitsaasumik nakkutilliinerput ISAE 3402 Type 2-mut nalunaarutitta ersersippaa. Tassa imaappoq paasissutissaatitit illersorniarlugit aamma aalajaatsumik isumannaatsumillu kiffartuussiumalluta systemeqarlutalu suleriaaseqarpugut.
Kukkunersiuisut arlaannaanulluunniit attuumassuteqanngitsut Grant Thorntonimeersut, nakkutilliinermi iliuutsivut misissorlugillu misilittarsimavaat, pingaarnerusumillu nassuiarneqartutut inu:it-mi nakkutilliisarnersugut misissorpaat.
ISO 27001 aamma 27002-mi malittarisassat tunngavigalugit ISAE 3402-mik nakkutilliinerit misissorneqarput, aamma Information Security Management System (ISMS) aqqutigalugu aqunneqarput
ISAE 3000 Type 2
Hostingimi neqerooruteqartartutut sullitatsinnut (paasissutissanut akisussaasut) inu:it paasissutissanik suliarinnittartutut inissisimavoq, tassa imaappoq sullitavut sinnerlugit paasissutissanik inunnut tunngasunik suliaqartarpugut. ISAE 3000 pillugu nalunaarut atorlugu Paasissutissanik illersuisarnermut peqqussummik (GDPR) eqqortitsinerput, tassunga ilanngullugu suleriaatsivut nakkutillinivullu naammannersut pitsaasuunersullu sullitatsinnit uppernarsarneqartarput.
