Office 2010/2013-imut atatillugu ikiuinerit unissapput

Office 2010/2013-imut atatillugu ikiuisarnerit 13. okotber 2020 taamaatissapput, tamannalu ilutigalugu annertusaanerit imaluunniit sillimaniarnermut tunngasumik nutarterinerit pissanngillat. Office 2010/2013-iutitit tamarmik pisarneq malillugu ingerlassapput. Taamaakkaluartorli annertuumik sillimaniarnerup tungaatigut innarliisumik iserfigineqarsinnaanermut aallerinaateqarnerulissaaq.

13. oktober 2020 kingorna ikiuinerup taamaatinneqarnera ilinnut qanoq isumaqassava?

• Microsoft teknikkikkut kiffartuussiunnaassaaq, Office 2010/2013-imut sillimaniarnikkut aarlerinaateqarsinnaasunut ajutoornerni aaqqiissutinik imaluunniit sillimaniarnikkut aaqqiissutinik kingusinnerusukkut nalunaarusiarineqarsinnaasunik nassaarineqarsinnaasunilluunniit neqerooruteqarunnaarluni. Taakkua imarivai sillimaniarnikkut atortorissaarutit nutarsarneri pc-ppit virusimit innarligaasinnaaneranik ingalassimatitsisut, spyware-mut kiisalu software-mut allamut navianarsinnaasumik.
• Microsoft Updatemit Office 2010/2013-mut nutarterinerit taamaatissapput.
• Nutarterinernik pitsanngorsaatinilluunniit allanik imarisaanut ikorfartuutiusunik neqerooruteqarnerit taamaatissapput, kiisalu aamma onlinemik ikiuutaasinnaasut annerpaartaat taamaatissallutik.

Suut uannut periarfissaappat?

Office nutaanerusumik taarsernissaa kaammattuutigissavarput. Office 2010/2013 sorleq atornerit apeqqutaalluni periarfissatit assigiinngissinnaapput, kiisalu aamma apeqqutaalluni Office 2010/2013-it suliffinnit atuarfeqarfinniilluunniit aqunneqarnersoq.

inu:it qaqugukkulluunniit attaveqarfiginissaanut tikilluaqqusaavutit, siunnersornissannut aqqutissiuunnissannullu piareersimavugut kiisalu aamma Microsoft licens-isi sukumiisumik misissorsinnaallugit.