oqaatsit sorliit atorusunnerlugit toqqaagit:
nutaarsiassat
anguniagalimmik account managerissarsiorpugut/ Tuniniaasoq anguniagalimmik account managerissarsiorpugut/ Tuniniaasoq 02. septembarip 2020

anguniagalimmik account managerissarsiorpugut/ Tuniniaasoq

Nuummi qullersaqarfitsinni Kalaallit Nunaanni sullitatsinnut akisussaaffimmik tigusisinnaaasumik anguniagaqallaqqissumillu nutaamik suleqatissarsiorpugut. Pitsaassutsimik ilisimasaqarluarlutit tuniniaanermik pikkoriffeqarluaruit illerpiaq qinaarivatsigit.


suliffik pillugu

Sullitanut pioreersunut kiffartuussineq kiisalu aamma tuniniaanerup siammarsarneqarnissaa akisussaaffigissavat. Matumani internet/oqarasuaatilerineq/hosting/hardware/software pillugit neqeroorutinik tunniussisinnaassallutit, isumaqatigiissutinik nutaanik pilersitsisinnaassallutit kiisalu aamma isumaqatigiissutit pioreersut killiffisiussallugit. Sullitatsinnut kiffartuussilluarnissap pingaaruteqassusaata paasilluarsimanissaa pingaartipparput, aammalu suliat suliffeqarfiup siunnersortaanut ingerlateqqitassanngortinneqarnerini immikkoortortaqarfiit akimorlugit suleqatigisannut ajornaquteqanngitsumik suleqateqarsinnaanissat pingaartillutigu.


illit pillutit

Account Manageritut naatsorsuutigivarput:

  • Tuniniaanermik nuannarisaqassasutit, suliffeqarfiup iluani qaffasissutsit tamaasa aallaavigalugit inunnik oqaloqateqarluarsinnaassasutit, kiisalu aamma niuernermut tunngassutilinnik unamminartoqartillugu sullitanik oqaloqateqarsinnaanissaq pikkoriffigissagit. Account Manageritut sullitanut suleqatigiinnerit nalituut sivisumillu piusinnaasut pilersinnissaat, ineriartortinnissaat aammalu nalimmassartuarnissaat pikkoriffigissagitit.
  • tunngaviusumik qarasaasialerinermi patajaatsumik ilisimasaqarluassasutit, hardwarenut aaqqiissutissat pillugit assigiinngitsunik misilittagaqassasutit, kiisalu softwarelicense, oqarasuaatilerineq, attaveqaatitigut aaqqiissutissat, CRM-system pillugit paasisimasaqassasutit. C5 pillugu ilisimasaqarneq pitsaassaaq, tamannali pinngitsoorneqarsinnaavoq.
  • namminerisamik tuniniaanermi ingerlatsinerup ataavartumik siuariartortinnissaa pilersaarusiorlugulu akisussaaffimmik tigusiffigisinnaassagit, inuttullu ilakkuminartooriissallutit, tatiginnilersitsisinnaallutit, isumassarsiatsialaqarlutit nuannersumillu isiginnittariaaseqartuusutit.
  • suliffeqarfimmi suleqatigiiaat avitseqatigiiffiusut ineriartupiloornermik misigisaqarsimasut suliatsinnullu pitsanngortitserusullutillu ingerlariaqqikkusuttut peqataaffigerusussagitit. Suliffeqarfiup silaannaa pigaarput, inissaqartitsilluta ileqqorissaarlutalu, kiisalu aamma taassuma saniatigut nammineq anguniakkanut sinaakkusersuisinnaanissamut kiffaanngissuseqarluta.
  • kissaatigaarput kalaallisut, qallunaatut tuluttullu oqalussinnaallutillu allassinnaassasutit, taamaasillutit suleqatigisat niuerfiillu ajornaquteqanngitsumik attaveqatigisinnaaniassagakkit.


neqeroorutigaarput

Suliffik kiffaanngissuseqarfiusoq akisussaaffeqangaatsiartorlu, suliffeqarfimmi naligiiffiusumik inissaqartitsisumilu inuttut sulianullu tunngasumik ineriartornissamut periarfissaqarluartoq. Tassunga aamma ilanngullugit suleqatit nuannersut, siunnersoqatigiinnissamut ikiuunnissamullu piareersimasut, kiisalu aamma piginnaasat tunngavigalugit akissarsiaqarneq utoqqalinersiaqarnissamut katersat, peqqissutsimut sillimmasiineq, kantiinami nerisaqarnermut aaqqissuussineq aammalu pitsaaqutit allat ilanngullugittaaq


apeqqutissaqarpit?

Paasisaqarnerorusukkuit Ricco Risager Nielsen Tuniniaanermik- aamma nioqqutissanut pisortaasoq tlf. +299 36 55 16/+299 54 71 04 atorlugu attaviginissaanut tikilluaqqusaavutit.


ulloq qinnuteqarfissaq kingulleq

Qinnuteqarnissamut ulloq killigititaq 15.09.2020, taamaakkaluartoq oqaloqatiginninnerit ingerlaavartumik pisassapput eqqortorlu nassaarigutsigu atorfinitsitsissalluta, taamaattumik qinnuteqaatit aammalu CV ullumimiik nassiuguk uunga job@inuit.gl

Uani nittartakkami cookies atorneqarput
Nittartakkatsinni aalajangikkatit toqqorsinnaanissaanut, statiskikkiliornissamut ataasiakkaanullu tulluarsaanissamut cookies atorneqartarput toqqornissaanut. Matumani paasissutissat suleqatigisatut pingajorisamit aamma pineqartarput. Nittartakkap atuinnarneratigut cookies atorneqarnerat pisinnaatitsissutigissavat Uani paasisaqarnerugit

Ok