oqaatsit sorliit atorusunnerlugit toqqaagit:
inu:it pillugu

Nuummi qarasaasialerinermi tuniniaanerup iluani pikkorissumik Account Manager-issarsiorpugut

Nuummi allaffeqarfitsinnut qiimasumik suliatigullu aaliangersaalluarsinnaasumik suleqatissarsiorpugut Kalaallit Nunaanni sullitatsinnut akisussaaffimmik tiguserusuttumik. Pitsaassutsimik pingaartitaqarlutillu ilisimasaqaruit tuniniaallaqqillutillu – taava taannaavutit ujaarisarput.

Atorfik pillugu

Maanna sullitanut amerlereerluarsimasunut kiffartuussinermut tuniniaanerullu annertusarneqarnissaanut akisussaasunngussaatit, tassani namminersortut pisortallu ataanni sullitat isumagissallugit.
Matumani internet/telefoni/hosting/hardware/software neqeroorusiornernik suliaqartassaatit, kiisalu aamma nutaanik issumaqatigiissusiorlutillu isumaqatigiissutaareersut killiffissiortassallugit.
Sullitatsinnut kiffartuussilluarnerup isumaata paasisimasaqarluarfiginissaa pingaartuutipparput, kiisalu aamma suleqatiginnilluarsinnaaneq, suleqatigiiaat iluanni aammalu immikkoortortaqarfiit akimorlugit ingerlanneqarsinnaasumik suliassat suliffeqarfiup siunnersorteqarfiinut ingerlateqqinneqaraangata.
Inu:it Kalaallit Nunaanni qarasaasialerinikkut namminersortuni annersaavoq, suleqatigiiaallu qiimasut avitseqatigiiffiullutilllu aalajaatsut appakaaffigissavatit ulluinnaqarluta ulapaarfiusumik pissanganarluinnartumillu. Anguniakkatta angunissaannut immitsinnut tapersersoqatigiillutalu ikioqatigiittarpugut, taamaakkaluartoq anguniagartuullutalu ulapittuuvugut taamaattumillu namminersorlutit sulisinnaanissat suliassanillu arlalinnik ataatsikkut ingerlatsisinnaanissat suliavillu nammineerlutit aaliangersarluarsinnaanissaat aamma pingaaruteqarpoq.
Taamaattumik atorfeqarnikkut toqqammaviusumik misilittagaqarluarsimanissat pitsaasuussaaq, taamaasillutit sukkasuumik namminersorsinnaallutillu sullitanik ornigarneqarsinnaanngorsinnaassagavit.

Ilinnut tunngasut

Account Manager-itut taatsorsuutigaatsigit:

  • Tuniniaaneq nuannarilluinnassagit, inunnik suli suliffeqarfiup iluani qaffasissutsit apeqqutaatinnagit oqaloqateqarluarsinnaasutit sullitallu niuernikkut unamminartissinnaasaat pillugit isumasioqatigisinnaagitit.
  • Qarasaasialerinerup iluani patajaatsumik toqqammaviusumik ilisimasaqarluassasutit, hardwaremut aaqqiissutissat assigiinngitsut pillugit misilittagaqassasutit, softwarelicense pillugit paasisimasaqassasutit (inu:it Microsoft Gold Partneriuvoq taamaattumillu Microsoft nioqqutaanik Office 365 ilanngullugu ilisimasaqaruit pitsaassaaq) Internetimut, telefonimut, qarasaasialerinermi-sillimaniarnermut aammalu attaveqaatinut aaqqiissutinut.
  • CRM-system pillugu misilittagaqartutit sullitallu pillugit nassuiaatit aaliangersimasumik pilersaarusiorsinnaallugillu ingerlassinnaagitit.
  • Pissusissamisoortumik tuniniaanermi siuariaateqarnissamut namminersortumik pilersaarusiorsinnaallutillu akisussaaffeqarsinnaasutit, kiisalu aamma inuttut ammasuusutit, tatiginassutsimik pilersitsisinnaasutit, isumannik arlalinnik peqartutit qiimasumillu ingerlariaaseqartutit.
  • Suliffeqarfimmi suleqatigiiaat avitseqatigiiffiusut aalajaatsullu suleqatigerusussagitit, taakkuullutillu annertuumik ineriartornermik suliaqarsimasut suliarisatsinnullu pitsanngoriarusuttut. Kultureqarpugut uummateqarluta namminerlu angusaqarsinnaanitsinnut sinaakkusiinissamut kiffaanngissuseqarluta.
  • Kalaallisut, qallunaatut kiisalu tuluttut oqalussinnaallutillu allassinnaanissat pitsaanerutipparput, tassungalu atatillugu niuerfiit suleqatigisallu ajornaquteqanngitsumik attaveqarfigisinnaassagitit.

Neqoroorutigaarput

Atorfik annertuumik kiffaanngissuseqarfiusoq, akisussaaffimmik annertuumik tigumminnittoq inuttut sulinikkullu ineriartornissamut periarfissaqarluartoq suliffeqarfimmi naligiiffiusumik assigiinngissutsimullu inissaqartitsisumi suleqatigit nuannersut ikiuinissamut isummersoqatigiinnissamullu piareersimasut, kiisalu piginnaasat aallaavigalugit akissarsiaqarneq, ilanngullugit, soraarnerussutisiat, peqqissutsimut aaqqiissutit, kantiinamut aaqqiissutit kiisalu pitsaaqutisiassat assigiinngitsut allat.

Ineqarneq

Isumaqatigiissutigineqarsinnaavoq.

Apeqqutissaqarpit?

Paasisaqarnerorusukkuit Kalaallit Nunaanni qarasaasialerinermi tuniniaanermut Aqutsisoq Ian A. Nielsen oqarasuaat 54 71 23

Qinnuteqarnissamut killigititaq

Qinnuteqarsinnaanermut killigititaavoq ulloq 31.12.2021, taamaakkaluartoq oqaloqatiginninnerit ataavartumik ingerlatissavagut eqqortorlu nassaarigutsigu atorfinitsitsissalluta, taamaattumik qinnuteqaatit aamma CV ullumikkumiit nassiuguk uunga job@inuit.gl
(Email-ip qulequtaanut ’Account Manager Nuummi’ allassinnaagukku pitsaassaaq)