Pisiffik pillugu
Pisiffik Kalaallit Nunaanni niuertarfinni anginerpaavoq, illoqarfinni arfinilinni agguarsimasuni 53-inik pisiniarfeqarpoq marlunnillu nittartakkakkut niuertarfeqarluni. Suliffeqarfik siammasippoq – nerisassaniit aamma nerisassaanngitsuniit franchisenut niuertarfinnut soorlu JYSK, Elgiganten aamma Sunset Boulevardimut. Pisiffik Kalaallit Nunaata aningaasaqarneranut 7%-inik aningaasanik isaatitsivoq – aamma 1,5 mia. kr.-nik kaaviiaartitaqarluni Kalaallit Nunaanni attaveqaasersuutit eqqarsaatigalugit pingaarutilittut
Inu:it-mi sullissinerit
- Serverinik ingerlatsineq
- Attaveqaatinik ingerlatsineq nakkutilliinerlu
- Annerusumik isumannaallisaaniarluni attaveqaatinik immikkoortunut immikkoortiterineq
- Sapaatip akunnerani ullut unnuallu naallugit support
- Internet, MPLS aamma telefoni
- Karsinut tunngatillugu ikiuineq, videukkut nakkutilliineq il.il.
- Siunnersuineq suliniutitigullu tapersersuineq
Attaveqaasersuutit pingaarutillit IT-p tungaatigut pingaarutilimmik isumannaallisarneqartariaqarput
Pisiffik niuerfimmi periarfissakitsumi - amerlasuunillu pilersuiffeqarluni suliffeqarfimmik ingerlatsivoq. IT-systemit ajorpata tamanna Kalaallit Nunaanni inuiaqatigiit tamarmiusut malugissavaat.
Kalaallit Nunaanni attaveqaasersuutinut tunngatillugu pingaarutilerujussuarmik inissisimavugut. Attaveerukkutta pilersuineq siammasissumik sunnerneqarsinnaavoq innuttaasullu ilarujussuinut sunniuteqangaatsiarluni. Taamaammat IT-mi ingerlatsinerup aalaakkaasuunissaa uagutsinnut pingaaruteqarluinnarpoq.
Kristian Aagaard Jørgensen IT-mi pisortaq
Niuerfippassuit assigiinngitsorpassuutillugit IT-milu attaveqaasersuutit immikkuullaritsillugit tamanut akisussaaffimmik tigusisinnaasumik– aamma niuertarfiup alliartornera ilutigalugu aaqqiissummik qulakkeerinnissinnaasumik Pisiffik IT-mut tunngatillugu suleqateqartariaqarpoq.
Attaveqaatinik immikkoortunut immikkoortiterineq ataatsimullu ingerlatsineq
Inu:it Pisiffiup IT-mi ingerlatsineranik tamanik isumaginnittuuvoq – serveriniit, attaveqaatiniit, telefonimiit supportimut siunnersuinermullu.
Suleqatigiinnerup kingunerisaanik pingaarutilitsigut pitsanngoriaateqarpoq, tassami Pisiffiup attaveqaataanik immikkoortunut annertuumik immikkoortiterisoqarpoq, taamaalillutik navianaataasinnaasut unitsinneqarsinnaassapput siammarnissaallu pinngitsoorneqarsinnaassallutik. Tassa imaappoq Pisiffik ullumikkut pitsaanerujussuarmik isumannaallisarneqarpoq – tamannalu Kristianimut suleqataanullu toqqissisimatitsivoq.
IT-mi pisortatut isumannaallisaanermi suliniut pingaarnerpaat ilagisimavaat. Isumannaallisaanerup pitsaanerulersinnissaanut inu:it-mit ikiorneqarsimavugut – tamannalu toqqissisimanaqaaq.
Kristian Aagaard Jørgensen IT-mi pisortaq
Ingerlatsineq aalajaatsoq suleqatigisartagarlu naatsorsuutigineqarsinnaasoq
Pisiffiup inu:it-mik suleqateqarnera teknikkimut, ingerlatsinermut supportimullu tunngassuteqaannanngilaq – aammali suleqatigisartagaq niuertarfimmik ilisimannillunilu oqaatsitsinnik atuivoq:
Niuertarfitsinnut qanittumik ilisimannittumillu aammalu kalaallisut oqaluttunik suleqateqarnerput assut isumaqarpoq. Sullissiverujussuunngilaq aamma – qanimut, pitsaasumik inuppalaartumillu suleqatigiinnerput nuannerpoq.
Kristian Aagaard Jørgensen IT-mi pisortaq
Tamatuma peqatigisaanik suleqatigiinneq pissutigalugu niuertarfiup ineriartortinnissaa allisarnissaalu Pisiffimmut ajornannginneruvoq. Suliniutit pisiniarfiillu nutaat pilersaarusiorneqaraangata inu:it siunnersortaasarpoq:
inu:it ingerlaavartumik isumasioqatigisarparput. Assersuutigalugu pisiniarfinnik nutaanik ammaagaangatta nutaanilluunniit ineriartortitsigaangatta/sanaartoraangatta aallaqqaataaniilli IT attaveqaatillu qanoq eqqarsaatigisariaqarnerannut tunngatillugu siunnersortaasarput. Niuertarfik alliartormat taakku siunnersortitut atorsinnaanerat iluaqutaangaatsiarpoq.
Kristian Aagaard Jørgensen IT-mi pisortaq