Permagreen pillugu
Permagreen Grønland A/S suliffeqarfiuvoq sanaartugassanik suliakkerneqartartoq Nuummilu qullersaqarfeqartoq nunalu tamakkerlugu suliniutinik ingerlataqartartoq. Suliaqarfinni sanaartukkanilu assigiinngitsuni tamakkiisumik akisussaaffeqarluni sanaartornermik pingaarnertullu sanaartornermik akisussaaffeqarluni sanaartortarpoq. Ulapaarfimmi 300-400-nik sulisoqartarpoq, taakkunannga 45-t missaat funktionæriupput taakkulu illunik aningaasaliisartunit namminersortuniit pisortanut illuliortitsisunut sullitarivaat.
Inu:it-mi sullissinerit
- Serverimiit inu:cloudimut nuunneq
- Marloriarluni uppernarsaanikkut akuersineq aamma Microsoft iluaqutigalugit IT-mi isumannaallisaaneq
- aamma sapaatip akunnerani ulloq unnuarlu supporti
- Inatsisit naapertorlugit sulineq isumannaallisaanerlu pillugit siunnersuineq
Najukkami serveriniit inatsisit naapertorlugit sulinermut nutaaliaasumut
2025-mi Permagreenip suliffeqarfiup aningaasanik niuerfimmut nalunaarsorneqarsimasumit, Per Aarsleffimit, pigineqalinnginneraniilli aqutsisoqatigiit IT-kkut inissitsiterinermi nutarsaanissamut isumannaallisaanikkullu pitsanngorsaanissamut kissaateqarsimapput. Permagreenimi allaffimmi siornatigut servereqarlunilu illorsuup saniani serverimik sillimmateqarpoq – tamanna mianernartuuvoq ajornakusoorlunilu, tamannalu siunissami pisariaqartinneqartunik naammassinninngilaq.
Anguniarneqarpoq aaqqiissummik nassaarnissaq:
-
Inatsisit naapertorlugit sulinissamut IT-milu isumannaallisaanermut Aarsleffip piumasaqaataanik naammassinnittunik
-
Kalaallit Nunaanni sulisunik eqaannerulersitsisumik
-
Aalajaatsumik ingerlatsinissamut aamma sapaatip akunnerani ulloq unnuarlu IT- supportimit ikiorneqarsinnaanissamut qulakkeerinnittumik
Aarsleff inu:it-mik toqqaanngilaq, kisiannili Permagreen toqqaasuuvoq.
Suliffeqarfissuaq Aarsleff Microsoftimik atuimmat, aamma Aarsleffimi IT-mut immikkoortortaqarfimmi innersuussisoqarmat aammalu inu:it-ip angissusaa pisinnaasaalu eqqarsaatigalugit ikiuisinnaasutut isumannaallisaanermullu piumasaqaatinut nutaanut malinnaasutut nalilerneqarmat taamatut aalajangertoqarpoq.
Maannakkut pisariaqartitatsinnut siunissamilu pisariaqartitassatsinnut tulluartumik nutaaliaanerusumik platformeqarusuppugut
Kasper Thomsen aningaasaqarnermut pisortaq IT-mut akisussaaffilik
inu:cloudimut isumannaallisaanermullu pitsaanerusumut nuunneq
Inu:it-ip suleqatigineratigut Permagreenip najukkami serverini inu:cloudimut taarserpai – taanna isumannaatsuuvoq, cloudiugami suliffeqarfissuup IT-vinut tulluarpoq aamma suminngaanniilluunniit sulinissaq ajornannginnerulersippaa. Tamatuma saniatigut najukkami serveriniit inu:cloudimut nuunnerup saniatigut isumannaallisaaneq pitsanngorsarniarlugu marloriarluni uppernarsaanikkut akuersisarnermik aamma Microsoft Defenderimik atulersitsivoq.
Tamatuma saniatigut IT-mi attaveqaasersuutit tamarmik ingerlaavartumik supportimik, hardwaremik, akuersissutinik ingerlatsinermillu – kiisalu siunnersuinerput pitsanngorsarneqarput, taamaaliornikkut suliffeqarfiup inatsisit malillugit sulinissaanut IT-milu isumannaallisaanissaanut piumasaatinut atuuttunut tamatigut naammassinnittarnissaa qulakkeerneqarpoq. Inu:it-ip aalajangersimasumik attaveqarfiusarnerata – aamma avataani pilersuisunnut aalajangersimasunut attaveqarfiusarnerata iluaqutaanera Permagreenimit erseqqissarneqarpoq.
Microsoftip systemii isumannaatsut tutsuiginartitakka maanna atoratsigit toqqissisimavunga, tassami nukittuffii nalunngilakka.
Kasper Thomsen aningaasaqarnermut pisortaq IT-mut akisussaaffilik
Isumannaallisaaneq qaffasinnerusoq ingerlatsinerlu ajornannginnerusoq
IT-kkut inissitsiterinermut nutaanerusumut nutarterineq pissutigalugu isumannaallisaaneq pitsaanerungaatsialerpoq, sumi sulineq apeqqutaatinnagu systemit fiilillu iserfigiuminarnerulerput aamma IT-mi aaqqiissutit tamarmiusut eqqarsaatigalugit IT-mi suliassat amerlanerusut attaveqaatigisartakkami ataatsimi aalajangersimasumi ataatsimoortinneqarput. Tamatuma peqatigisaanik allannguutit naleqqussarneqartariaqarsimapput. Inu:it-ip Permagreenip inissititsiternera ilinniartussaanikuuaa, illuatungaanilli Permagreenimi sulisut suleriaatsinut nutaanut sungiussiniartussaasimallutik.
Neriorsuutigineqartut pissarsiaraavut, sulili angorusutavut tamakkiisumik angunngilavut. Nutaarluinnarmik inissitsiterinerup akornuteqanngitsumik ingerlalernissaa sivisuvoq – pingaartumik isumannaallisaanermut inatsisillu malillugit sulinissamut piumasaqaatit taama sukannernerulersimatillugit.
Kasper Thomsen aningaasaqarnermut pisortaq IT-mut akisussaaffilik