Agesen & Koldsgaard VVS Teknik pillugu
Agesen & Koldsgaard VVS Teknik suliffeqarfiuvoq nutaaliaasoq, Jyllandip avannaaneersuuvoq VVS-imillu suliaqarluni. Taannalu Fjerritslevimi qullersaqarfeqarpoq aamma Brovstimi, Aalborgimi, Løgstørimi aamma Åbybromi immikkoortortaqarfeqarluni. Suliffeqarfik taanna suliffeqarfinnik inuinnarnillu VVS-ip, nukissiuutinik pitsaanerusumik atuinerup qillertoqqerinerullu tungaatigut 1973-imiilli sullissisarpoq.
Inu:it-mi sullissinerit
- inu:cloud
- Network-as-a-Service
- Internetsikkut sillimaniarneq
- Fiilinik cloudimi sillimmateqarneq
- Oqarasuaatinut angallattakkanut isumannaallisaanermi aaqqiissutit
- Atortorissaarutinik assigiimmik isumannaallisaaneq
Piumasaqaatit annerusut piffissakinnerlu
Digitaliseeriineq IT-milu isumannaallisaanermut piumasaqaatit annertusiartuinnartillugit IT-mi aaqqiissutit isumannaatsuunerunissaat ullutsinnullu naleqqunnerunissaat Agesen & Koldsgaard VVS Teknikkimit pisariaqartinneqaleriartuinnarput.
Sillimmasiisarfimmit nutaanik piumasaqaateqarnerani, internetsikkut saassunneqarnissamut navianaatit annertusiartuinnarneranni ulluinnarnilu sulisut sunniuteqarluartumik isumannaatsumillu sulinerminni IT ulluinnarni inituneruleraluttuinnarpoq.
"Siornatigut nammineerluta servereqarpugut, taakkuli nutaaliaaneruleriartuinnarput. Pingaartumik internetsikkut isumannaallisaanermut atatillugu sillimmasiisarfitsinniit ukiut tamaasa nutaanik piumasaqaateqartarpoq. Nammineerluta annikitsualuit isumaginissaannut piffissaqanngilagut – taamaammat tamakkuninnga suliaqartunut ingerlatitseqqissinnaanissarput pisariaqartipparput"
taama oqarpoq Frank Bak Koldsgaard, Agesen og Koldsgaard VVS Teknikkimi aningaasaqarnermut pisortaq.
Pingaartumik internetsikkut isumannaallisaanermut atatillugu sillimmasiisarfitsinnit ukiut tamaasa nutaanik piumasaqaateqartarpoq. Nammineerluta annikitsualuit isumaginissaannut piffissaqanngilagut – taamaammat tamakkuninnga suliaqartunut ingerlatitseqqissinnaanissarput pisariaqartipparput.
Frank Bak Koldsgaard aningaasaqarnermut pisortaq
Suliffeqarfimmi pisiortortoq quersuarmillu aqutsisoq Peter Christensen, ukiorpassuarni suliffeqarfimmi IT-mut tunngatillugu akisussaaffeqarsimasoq suliamut ilisimasaqarluartunit ikiorneqarnissamut pisariaqartitsinerup annertusiartuinnarneranut isumaqataavoq:
"Nammineerluta malinnaasinnaajunnaarpugut – uagummi tamanna suliassaqarfiginnginnatsigu. Taamaattorli nakkutiginnikkusuppugut pitsaasumillu ingerlanissaat kissaatigivarput. 20-t sinnerlugit sulisoqaraanni paasissutissanillu illersorneqartussanik peqaraanni ajorpallaanngitsumik ingerlanerat naammanngilaq”
taama oqarpoq Peter Christensen.
IT-mut tunngatillugu suleqatigisartagaq tamanik naammassinnittoq
Agesen & Koldsgaard VVS-imik suleqateqarnerput 2002-mi aallartippoq, taamaniillu tamakkiisumik IT-mut tunngatillugu suleqatigisartakkatut avataaneersutut ineriartorsimalluni.
Ullumikkut suliffeqarfimmi IT-mut tunngatillugu tamakkiisumik isumaginnippugut: isumannaallisaanermi aaqqiissutiniit mobiilinut qarasaasianullu, cloudikkut sillimmasuuteqarnikkut, attaveqaatinut nakkutilliinermullu. Minnerunngitsumillu: internetsimut tunngatillugu sillimmasiisarfimmit piumasaqaatigineqartut Agesen & Koldsgaardimit naammassineqarnissaat isumagisarparput.
”IT-mut tunngasut tamaasa aamma navianaataasinnaasut inu:it-mut isumagitippavut. Sillimmasiisarfitsinniit EU-miilluunniit piumasaqaatigineqartut nassiutiinnarsinnaagatsigit taakkulu suliakkiissutigisatsinnik isumaginninnerat piumasaqaatigineqartunillu naammassinninnissatsinnut isumaginninnerat oqiliallannartorujussuuvoq”
taama oqarpoq Frank Bak Koldsgaard.
Sillimmasiisarfitsinniit EU-miilluunniit piumasaqaatigineqartut nassiutiinnarsinnaagatsigit taakkulu suliakkiissutigisatsinnik isumaginninnerat piumasaqaatigineqartunillu naammassinninnissatsinnut isumaginninnerat oqiliallannartorujussuuvoq
Frank Bak Koldsgaard aningaasaqarnermut pisortaq
Tamatuma saniatigut suliffeqarfimmi Agesen og Koldsgaard VVS Teknikkimi atortorissaarutit nutaat tamaasa – oqarasuaatit angallattakkat qarasaasiallu piaartumik atorneqarsinnaalernissaannut, taakkuninnga assigiissaarilluta ikiorsimavavut:
”Assigiissaarisarnerput pissutigalugu nutaanik sulisoqaleraangat atortorissaarutilluunniit taarserneqartussaagaangata assigiissaarinissaq ajornannginneruvoq. Isumannaallisaanikkut piumasaqaatinik tamanik naammassinnittunik suut tamaasa ikkussorneqartarput – eqqarsaatiginissaannut piffissaq atortariaqanngilarput,”
taama oqarpoq Peter Christensen.
Suliassat uagutsinnik suleqateqarnikkut naammassineqaannarnatik, aammali sulisutsinnit taakkuninnga ilisimasaqarluartunit suliarineqartut Frank Bak Koldsgaard aamma Peter Christensen oqarput:
Inuit taakku oqaloqatigiuaannarpavut. Inu:it-mi Martinimut Vickimulluunniit sianeraangatta naluneq ajorpaat kikkuunersugut suullu aaqqiissutissaanersut. Qanoq sulinersugut nalunngilaat aamma uagutsinnut tunngasut paasiniarniarlugit piffissaq atorneq ajorpaat. Utaqqisuni normu 1-iusutut misiginngisaannarpugut
Frank Bak Koldsgaard.
Piffissaqarnerulerneq, eqqissisisimaneruneq toqqissisimanerunerlu
Frank Bak Koldsgaardip aamma Peter Christensenip oqarnerat malillugu uagutsinnik qanimut suleqateqaramik pingaaruteqarluinnartumik misigipput: toqqissisimmapput. IT pissusissamisut ingerlasoq nalunngilaat. Paasissutissaatimi isumannaatsuunerat nalunngilaat. Aamma teknikkikkut inuttullu paarilluarneqarnerat nalunngilaat.
Suleqatigiinneq toqqissisimanarpoq. Toqqissisimagatta ullaakkut nuannaarluta makissinnaavugut. Toqqissisimanngikkaannimi suleqatigiittoqartussaanngilaq. Uagullu inu:it toqqissisimanarivarput.
Frank Bak Koldsgaard aningaasaqarnermut pisortaq
Aamma unnuup ingerlanerani tatiginnittoqalinngilaq – ukiorpassuarnili tatiginninneq ineriartortinneqarpoq:
”2002-miilli suleqatigiippugut, tamannalu taaneqartarunarpoq ”piffissami sivisuumi tatiginartumillu kiffartuussineq”. Assersuutigalugu kodet il.il. allanngortinnissaat puioraangatsigit inu:it-mit eqqaasitsissallutik tunuarsimaarneq ajorput, tamannalu suleqatigiinnermi pingaaruteqarpoq,”
taama oqarpoq Peter Christensen.
Suleqatigiinneq pissutigalugu suliffeqarfiup pingaarnertut suliaminut aallussinissamut piffissaqarnerulernera isumalluutinillu atuisinnaanera Agesen & Koldsgaard VVS Teknikkimit misigineqarpoq.
”Siornatigut piffissama ilarujussuani serveri allallu isumagisarsimavakka, oqiliallannaqaarlu”
taama oqarpoq Peter Christensen.