oqaatsit sorliit atorusunnerlugit toqqaagit:
nutaarsiassat
senior attaveqaqatigiinnermi siunnersortit senior attaveqaqatigiinnermi siunnersortit 17. februaarip 2020

senior attaveqaqatigiinnermi siunnersortit

inu:it allannguinissamut pissanganarluinnartumi piffissami maanna inissisimavoq, anguniakkat, digitalinngorsaanerit aammalu suliffeqarfiup inerisarnissaanut suliniutaasut sullitatsinnut kiffartuussinissaq pillugu pingaartinneqarluinnarlutik. Ukiuni arlalinni ineriartungaatsiarsimaneq ilutigalugu maanna inerisaaneq ingerlapparput ileqqussat aalajangersimasut atorlugit governance-mik piviusunngorsaaneq, systemit suliffeqarfimmut ikorfartuisut atorluarsinnaasut, ingerlaatsit kiisalu ilusilersuinerit piviusunngorsarnissaat anguniagaralutigu. Tamatumunnga sullitatsinnut ataavartumik suliniutit (ingerlatsinerit, anguniakkat aammalu ilusilersuinerit) inaarsarneqarnissaannut Senior attaveqaqatigiinnermi siunnersortit amigaatigivagut.

Naapeqatigiinneq Danmarkimi Thistedimiissaaq imaluunniit Kalaallit Nunaanni Nuummi. Naapeqatigiiffik Nuummiissappat ineqarneq periarfissiissutigissavarput.

suliap imarisai aammalu scope

  • Attaveqaatilersuinermi ilusilersuineq aammalu sullitat pisariaqartitaat pillugit sullitatta eqqartueqatiginissaat siunnersorneqarsinnaanissaallu
  • inu:it-p nioqqutigisaasa iluani sullitanut aaqqiissutissatut suliniutissiinernik aammalu anguniakkanut iliuusisserinernik ineriartortitsisinnaaneq. Imaappoq, misissueqqissaarnerit, ilusilersuinerit, piviusunngorsaanerit kiisalu attaveqaatilerinermi aaqqiissutissat ajornakusoorsinnaasut siunnersuuteqarfiginissaat.
  • Sullitagut qanimut atassuteqarfigilluinnartarpagut, tamannalu anguniarlugulu sulissuteqarfigiuartarparput. Taamaattumik inuit amerlasuut assigiiaakkuutaat akornanniissinnaaneq immikkoortortaqarfiit qaffasissutsillu akimorlugit oqaloqateqarluarsinnaaneq sungiusimanerit apeqqutaalluinnarportaaq, tassungalu aamma atatillugu kiffartuussilluarsinnaaneq pigissallugu.
  • Taamattaaq ulluinnaat ulapaarfiungaatsiartut suliassanik pingaartinneqarluartunik imaqartut suleqatigiinneq aammalu piumassuseq pitsaasoq atorlugu unamminarsinnaasut suulluunniit aaqqiissuteqarfiginissaanut piareersimaffigissavat.

RDanmarkimi Thistedimi Immikkoortortaqarfimmi Aqutsisumut imaluunniit Nuummi Suleqatigiinni Aqutsisumut innersuunneqassaaq.

inuttut piginnaasaqarfiit:

  • Qarasaasualerinikkut teknikkimut tunngasumik ilinniarsimasoq, taamaakkaluartorli pingaarnertut attaveqaatilerinerup iluani minnerpaamik ukiuni tallimani qarasaasialerinermik misilittagalik – matumani assassorluni misissueqqissaarnermi misilittakkat, ineriartortitsinermi/ilusilersuinermi, ikkussuinermi kiisalu attaveqaatilerinermi aaqqiissutissanik ajornakusoorsinnaasunik ingerlatsinermi misilittakkat
  • Fortinetimik aamma Ciscomik misilittagaqartoq, ilaatigut routing aamma switching allagartaqarfigalugit, sillimaniarneq, service provider kiisalu aamma wireless misilittagaqarfigalugit.
  • RADIUS server ilisimagukku pitsaaqutaassaaq, soorlu Microsoft NPS, HPE Aruba Clearpass imaluunniit Cisco ISE
  • Sukkasuumik ilikkapallassinnaasoq namminersortumillu ingerlasinnaasoq, kiisalu niuerfiup qarasaasialerinermilu teknikkiunerusut sullitanut tunniussinnaanissaat
  • Suliassanik tulleriissaarilluarsinnaasoq suleriaatsimillu aaqqissuussilluarsinnaasoq, peqqissaartoq kiisalu tatiginartoq
  • Suliat aaqqissuteqarfiginissaannut pimoorussisinnaasut ataatsikkullu suliassanik assigiinngitsunik ingerlatsisinnaasoq
  • Qallunaatut tuluttullu ajornaquteqanngitsumik oqaatsinik atuisinnaasoq

neqeroorutigaavut:

  • Siunnersorteqarfeqarpugut, matumani sullitanut attaveqaqatigiinneq qanittoq pingaartinneqarnerpaajulluni. Siunnersortivut pitsaalluinnartumik kiffartuussinissaminnut ilisimasaqarluarfigisaminnillu ilitsersuussinissaminnut piareersimajuaannartarlutik.
  • Tamatta immitsinnut ilikkagaqarfigisinnaanerput upperaarput, taamaattumikkullu immikkoortortaqarfik inuusunnerusunik misilittagaqqortuunerusunillu siunnersortinik suliniutinillu suliaqartunik assigiinngitsunit ataatsimoorfiulluni suliffeqarfiuvoq, matumani sullitagut ineriartortinneqaqqinnissaat qarasaasiatigullua atortorissaarutaasa aserfallatsaaliornissaat isumagineqartarluni.
  • Suliatsinnut tunniusimalluinnarluta sulisarpugut, suliamut ilisimasaqarluarnissappoq pikkorissartuarnissarpullu pingaartilluinnarlutigu, taamaasilluta sullitatsinnut naleqartitsilersarneq tunniussinnaaniassagatsigit. Avatangiiseq assigiinngissusermik inissaqartitsisoq suliffigaarput, kikkut tamarmik assigiimmik naleqartinneqarlutik – tamanna tulluusimaarutigaarput, sinnattut ineriartortikkusutallu inissaqartilluarneqartut, angorusutat aammalu isumassarsiatsialaat. Taamattaarlu oqaloqatigiittariaaserput inuppalaartuuvoq naapeqatigiiffiulluarsinnaasoq.
  • Piumassuseqarfigigukku inu:it-imi ineriartornissamut suleqatigiinnilu ulluinnaat sunniuteqarfigeqataanissaannut siammasissumik periarfissanik annertuumik pissaatit, tamannalu suliffeqarfimmi kinaassutsitta ilagivaa tulluusimaarutigeqisarput.

Atorfininnissaq piffissaq sukkanerpaaq atorlugu pissaaq. Qinnuteqaatit ataavartumik misissorneqassapput, taamaakkaluartorli qinnuteqartoq eqqortoq utaqqissallutigu.

Atorfik pillugu apeqqutissaqaruit Danmarkimi Immikkoortortaqarfimmi Aqutsisoq Janne M. Erhardsen attavigiuk +45 96345539 imaluunniit Kalaallit Nunaanni Suleqatigiinni Aqutsisoq Casper Danielsen +299 365519

Denne hjemmeside bruger cookies
På vores website bruges cookies til at huske dine indstillinger, statistik og personalisering af indhold. Denne information deles med tredjepart. Ved fortsat brug af websiden godkender du brugen af cookies Læs mere her

Ok