oqaatsit sorliit atorusunnerlugit toqqaagit:
nutaarsiassat
inu:it suleqatigalugu akeqanngitsumik seminarertitsiniarpugut inu:it suleqatigalugu akeqanngitsumik seminarertitsiniarpugut 06. novembarip 2019

inu:it suleqatigalugu akeqanngitsumik seminarertitsiniarpugut

Ullumikkut suliffeqarfiit anginerit kiisalu aamma minnerumaat ulluinnarni sulinerup oqinnerusumik ingerlanissaanut ERP-mi aaqqiissutissat atorlugit ingerlataqarput. Amerlasuut programit C5 aammalu NAV ilisimasimassavaat, taamaakkaluartorli ERP-mi aaqqiissutissaaneri ilisimaarinagit.

Tassaapput ulluinnarni ilaatigut ilisimanngisamik atorneqartartut, aammalu atorfissaqartillugit tamatigut iluatsittumik atorneqarsinnaasut. Taamaakkaluartorli – illerpiaq suliffeqarfinni ajunnginnerusumik ingerlanneqarsinnaappat?

ERP tassaavoq sammisaq ineriartupiluuleruttortoq. Qarasaasialerinermi softwareqarnikkut sammisaqarfiusuniinnaanngitsoq, aammalu suliffeqarfippassuit akornanni. Amerligaluttuinnartut maanna ERP-imi aaqqiissutissanik suliffeqarfiup immikkoortortaqarfii akimorlugit suleriutsit ataqatigiissarnissaannut ingerlataqarput, ilaatigut quersuaqarfinnit, niuernermi immikkoortortaqarfinnit, tuniniaanermi immikkoortortaqarfinnit, aningaasaqarnikkut immikkoortortaqarfinnit, tunisassiornermit il.il. ERP-mi aaqqissuineq eqqorluinnartoq atorlugu suliffeqarfiit nukittunerulersissinnaavat, kiisalu sullerissuseq naammassisaqarsinnaanerlu ukkatarineqarnerulersillugu. Akikilliliiffigitinnerit iluanaarutaasutut taaneqartarput. Taamaattumik ERP atorlugu aaqqiissutit eqqorluinnartut ilutigalugit suliffeqarfiit pitsanngorsarneqarsinnaavoq.

Suliffeqarfittut ERP-imi aaqqiissutit atukkat pillugit eqinnaatsumik isummersinnaanissaq pingaaruteqarpoq. – aammattaaq nammineq ilisimatusarsimaffiginngikkaluarlugittaaq. Taamaattumik maanna inu:it akeqanngitsumik paasititsiniaanissamut seminareqarnissamik neqerooruteqarpoq, matumani ERP ukkatarineqassalluni.

Siuinissap suut nassatariumaarnerai qanillattussavagut, kiisalu qanoq Business Centralip ingerlaaseqarnera takussutissiiffigalugu. Ullormittaaq Lessor, AMC Banking aammalu Toolpack paasisaqarfigissavatit, matumani qanoq aaqqissuiffiit systemiusut Business Central 365 peqatigalugu suleqatigiissinnaanerinik nassuiaassalluta. Atuinissamut tulluarsaanerit sukumiisumik sammissavagut, aammattaaq illit qanoq suliffeqarfinni ulluinnarni sulianik oqilisaasinnaanissamut, naammassinninniarnermut piffissamik annikillisaanissamut, kiisalu suleriutsinik Business Central ikiortigalugu tulluarsaasinnaanissat sammissallutigu. Anguniagaq unaavoq, sulinermi piffissap oqilisinniarnissaa, taamaasillutit suliat suliffinni soqutiginartilluinnakkatit ukkatarisinnaanerulissagakkit.

 

Ullormut pilersaarut:

08.00: Takkunneq & Ullaakkorsiorneq
08.30: Tikilluaqqusineq aammalu siunissaq C5 atorlugu imaluunniit???
09.00: Microsoft Business Central, Microsoft Office 365
09.45: Unillatsiarneq
10.00: Lessor5 – Kalaallit Nunaanni siuinissami akissarsialerinermi aaqqissuiffik
11.00: ToolPack365® Aningaasat atorneqartussat missingersorneri il. Il.
11.45: Ullup qeqqasiorneq
12.30: Office 365 –Microsoft Cloud qanoq atorluarnerusinnaaviuk
13.15: AMC Banking (ERP-mi aaqqissuiffik atorlugu toqqaannaq aningaaserivikkut akiliinerit)
14.00: Apeqqutissat – Naammassinnginnermi sammisat eqqartorneri, Networking
14.15 (ca.): Naammassineq

 

Sumiiffik:

Hotel Hans Egede

Aqqusinersuaq, Nuuk 3900

Ullormi ullaakkorsiutit oqitsut, ullup qeqqasiutit annertunngitsut, the, kaffi aammalu imeq sassaalliutigineqassapput.

Apeqqutissaqaruit saaffiginissatsinnut tikilluaqqusaavutit:

inu:it Nuuk:

salg@inuit.gl   Tuniniaanermut immikkoortortaqarfik oqarasuaat 365502

Peqataanissamut nalunaarnissaq eqqaamajuk.
Inissat killeqarmata peqataanissamut nalunaarnissaq pisariaqarpoq. Taamaattumik suleqatigisatsinni ComIts linki una aqqutigalugu peqataanissamut nalunaarnissat eqqaamajuk: https://citsol.dk/seminar/

Ullormut nuannersumut suliffeqarfippit siuinissami ERP aqqutigalugu aaqqiissutinik ingerlatsinissaanik ukkataqarfiusumut aggialluarisi

Denne hjemmeside bruger cookies
På vores website bruges cookies til at huske dine indstillinger, statistik og personalisering af indhold. Denne information deles med tredjepart. Ved fortsat brug af websiden godkender du brugen af cookies Læs mere her

Ok