oqaatsit sorliit atorusunnerlugit toqqaagit:
inu:it pillugu

inu:it-imi atorfeqarneq


salgssupporter-issarsiorpugut

Nuummi qullersaqarfitsinnut kiffartuussilluarsinnaasumik aammalu akisussaassulimmik salgssupporter-issarsiorpugut, ulapaarfimmi assigiinngitsunik suliaqarnissamik nuannarisalik kiisalu namminersorluni sulinissamut tunuarsimaanngitsoq. Sullitanut kiffartuussilluarnissamik pingaartitsisuuguit – taava illerpiaq pisariaqartippatsigit.

atorfik
Atorfik neqerooruterput suleqatigiit akornanni ulapaarfioqisumi inissisimavoq, ullormi siullermiit sullitanit saaffiginnissutit assigiinngitsorpassuit aallunneqassallutik. Naliginnaasumik qarasaasialerinermi niuernermik suliaqassaatit, ullormut saaffiginnissutit suliarinissaat malinnaaviginissaallu isumagissallugu, niuerneq, nioqqutissanik toqqorsivimmi aqutsineq, neqeroorutinik suliarinninneq, Softwarenut/Hardewarenut apeqquteqaatit/pisiniarnerit, RMA-nik suliaqarnerit kiisalu oqarasuaatitigut sullissinerit. Sullitatsinnik kiffartuussilluarnerup pingaassusaa paasisimasariaqarpat. Suliffimmik pissanganartumik atorfeqassaatit, inuttut aammalu suliffiup iluani ineriartornissamut periarfissaqarluarlutit immikkoortortaqarfimmi pitsaalluinnartumiissallutik, allanngueqataanissamik aammalu sulianik naammassinnissinnaanermik aallutaqartumi. 

piumasaqaatit aammalu piginnaasat
salgssupporteritut naatsorsuutgaarput: 

  • tuniniaanerup aammalu kiffartuussinerup iluani ilinniagaqassasutit – pitsaasunik angusaqarsimassallutit
  • suliffeqarfimmi anginerusumi ukiuni arlalialunni misilittagaqareersimanissat neriuutigaarput
  • Kalaallisut, qallunaatut aammalu tuluttut oqalussinnaallutillu allassinnaassasutit, taamaasillutit ajornaquteqanngitsumik  tunisassiorfiit aammalu suleqatit attaveqaqatigisinnaassallugit
  • Microsoft pillugu ilisimasaqarluassasutit

suliffeqarfiup neqeroorutigai
Sullifik kiffaanngissuseqarfiusoq, akisussaaffeqarluarfiusoq aammalu ineriartornissamut periarfissaqarluartoq. Avatangiisit avitseqatigiiffiusut aammalu eqaassusilimmik suleriuseqarfiusut, eqqarsaatersuutiniit iliuuseqarnissamik pingaartitsiffiusut Suliffeqarfik naligiiffiusoq inissaqartitsisorlu, suleqatit nuannersut ikiuunnissamut eqqartueqatigiinnissamullu piareersimajuartutInuttut aammalu suliffiup iluani ineriartornissamut periarfissaqarluartoq, akissarsiat pitsaasut piginnaasannut naleqquttut, kiisalu utoqqalinersianut katersaqarneq, peqqissutsimut sillimmasersimaneq, kantiinami nerisaqarneq, kiisalu pitsaaqutit allat.

atorfik pillugu apeqqutissaqarpit?
Atorfik pillugu apeqqutissaqaruit Suleqatigiinni Aqutsisoq Piitaaraq Rosbach attaviginissaanut tikilluaqqusaavutit tlf. +299 365080 imlt. Mobil +299 550780. 

qinnuteqaat
Qinnuteqaatit ingerlaavartumik nalilersussavagut ataavartumillu oqaloqatigiinnissamut aggersaanerit ingerlatissallutigit, taamaattumik piffissaq sukkanerpaaq atorlugu qinnuteqaatit kiisalu CV Suleqatigiinni Aqutsisumut Piitaaraq Rosbachimut nassiugut: pro@inuit.gl 


suliffeqarfik pillugu

Inu:it qarasaasialerinermi suliffeqarfiuvoq qarasaasialerinermi aaqqissuussinermik ukkataqartoq. Suliffeqarfik 1996-imi Kalaallit Nunaanni pilersinneqarsimavoq, ullumikkullu 50-it sinnerlugit Aalborgimi, Thistedimi, Nuummi, Ilulissani, Sisimiuni Qaqortumilu agguarsimasunik sulisoqarluni. Kalaallit Nunaanni inu:t a/s nunamminersortutut qarasaasialerinermi suliffeqarfittut inissisimavoq, pitsaalluinnartumik tatiginartumillu qarasaasialerinermi niuerfittut inissisimalluni, Kalaallit Nunaanni inuussutissarsiornermi ingerlataqartunut, pisortat ataanni suliffeqarfinnut instituteqarfinnullu kiffartuussisuulluni. Danmarkimi inu:it jyllandip avannarpasissuani inissisimavoq suliffeqarfiullu qitiusumi ingerlatsivianik ukkataqartuulluni – inuussutissarsiornermi sullitanut qarasaasialerinermi aaqqissuussinernik ukkataqarluni.

suleqatigiinneq

inu:it Kalaallit Nunaanni Danmarkimilu qanimut suleqatigiilluartunik immikkoortortaqarfeqarpoq nunat killii aammalu piffissat nikinganeri apeqqutaatinnagit. Taamaasilluni avitseqatigiiffiusumik eqqartueqatigiissinnaalluni suleqatigiinnermut soorlu piginnaasatnik inertiartortitsinermut periarfissarpassuarnik pilersitsisuuvoq.

ilinniagaqarneq

Ataavartumik sulisutta ilinniagaqarnissaat allagartaqarnissaalluni ukkatarisuuarput, sulisullu tamarmik ilinniagaqarnissaannut pilersaaruteqarfigalugit.

staatsimoorneq

inu:it-imi sulisutut ilaqutariissuartut ataatsimut inissisimasarpugut. Assoroorluta sulisarpugut, nuannisartarpugut, nuannisaaqatigiittarpugut – pauserfinni, ataatsimut sammisaqaqatigiinnerni aammalu sunngiffimmi.

 

Denne hjemmeside bruger cookies
På vores website bruges cookies til at huske dine indstillinger, statistik og personalisering af indhold. Denne information deles med tredjepart. Ved fortsat brug af websiden godkender du brugen af cookies Læs mere her

Ok